📜 Daily Prasang 📜

• અમદાવાદ માં શ્રીહરિની આજ્ઞાએ સદગુરુ બ્રહ્માનંદ સ્વામી અને આનંદાનંદ સ્વામીએ ભવ્ય મંદિર બનાવ્યું અને શ્રીહરિએ પોતે પધારીને સંવત ૧૮૭૮ના ફાગણ વદી ત્રીજના દિવસે પોતાના બાજુઓમાં ઉપાડી ઉપાડીને શ્રીનરનારાયણ દેવની દિવ્યમુર્તિઓ પધરાવી. એ દિવસે આખાયે અમદાવાદના બ્રાહ્મણોને ચોરાસી કરીને ઘીના લચપચતા લાડુઓ કરીને જમાડયા. એ દિવસે લાડુઓ ગાયોને તેમજ કૂતરાઓને પણ પ્રસાદ તરીકે ની શ્રીહરિએ પીરસાવ્યા ને વધ્યાએ કાંકરીયા તળાવમાં માછલાઓ જમે તો એનો પણ ઉદ્ધાર થાય એવા આશય થી કાંકરીયા તળાવમાં પણ પધરાવ્યા. 

• અમદાવાદ મંદિરના મુર્તિપ્રતિષ્ઠા ઉત્સવ વખતે હજારો રુપીયાનું ખરચ થયેલું. જે મંદિરની આવકમાંથી ભરાય એમ હતું નહી એટલે શ્રીહરિએ પોતાના વનવિચરણ વખતે જે અષ્ટસિદ્ધીઓને સેવા કરવાનો વર દીધેલો એના પાસે સેવા કરાવીને રાતોરાત સૌ વાણીયાઓનું દેવુ ચુકતે કરાવેલું. ક્યાંથી એ બધુ નાણું આવ્યું અને કેમ ચુકવાયું એ કોઇને કશીય ખબર ન પડી. 

• બીજે દિવસે શ્રીહરિએ મંદિરમાં દેવની કાયમી સેવારીતી કેવી રીતે કરવી એમ વિગતે સૌને ભલામણો કરી. ગુરુદેવ રામાનંદ સ્વામીના ગુરુ આત્માનંદ સ્વામીનું પુ્ર્વાશ્રમનું નામ વિશ્વંભર ભટ્ટ હતું એ સમયનાં એમના પુત્ર ગોપીભટ્ટ હતા જેઓને શ્રીહરિએ અમદાવાદ બોલાવરાવી ને એમને શ્રીહરિએ મંદિરના પુજારી તરીકે રાખ્યા. એ ગોપીભટ્ટ શ્રીહરિના કૃપાપાત્ર હતા જેમની સદગુરુ નિષ્કુળાનંદ સ્વામીએ ભકતચિંતામણીના પ્રકરણ ૧૧૨ ની કડી ૪૯માં નોંધ્યા છે કે....

• ભટ્ટ ગોપી પ્રભુજીને પ્યારા, તેના સુત તે ત્રણ છે સારા..!

• રઘુનાથને લાલજી નામ, ત્રીજો સુત વારું જીવરામ..!! 

• આ ભૂદેવ ગોપી ભટ્ટ કે જેઓ જયારે શ્રીહરિ એ દેશવિભાગના લેખ કર્યા ત્યારે એમણે એમા સહી કરેલી છે. 

• શ્રીહરિએ તેઓને આજ્ઞા કરેલી કે દેવની પુજા કરવી ત્યારે બાહ્ય તેમજ આંતરિક શુદ્ધી ખાસ જાળવવી અને દેવની પુજા કરતી વખતે દેવ સરીખા થઇને પવિત્રપણે કાયમ ભાવથી સેવા કરવી.  

• સમયજતાં કોઇ ભાવિક ભકતો કે ગ્રહસ્થો શ્રીનરનારાયણ દેવ માટે ફળફુલ કે વસ્તુ પદાર્થ લાવે, અથવા તો કે કોઇ ભેંટ વગેરે લાવે તો એ ભૌતિક પદાર્થોથી ગોપી ભટ્ટના વિચારો બદલાઇ ગયા. ભૂદેવના વિચારો બદલાઇ જતા પોતે એ પદાર્થ શ્રી નરનારાયણ દેવ ને ધરાવે નહી, ને ઘેર છોકરાવ ખાશે એમ કહીને લઇ જાય. 

• જયારે કોઇ હરિભકત દેવને ધરાવવા આગ્રહ કરે તો એના સાથે જીભાજોડી કરે કે "મને તો દેવના પુજારી તરીકે ખુદ શ્રીજીમહારાજે જ રાખ્યો છે, એટલે મારા હારે કાંયપણ માથાકૂટ કરવી નહી." ઉનાળાના સમયે તો શ્રીનરનારાયણ દેવના ઘૂંમટમાં છોકરાવના ઘોડીયાવ અને ખાટલાવ લાવી દીધા, આખો દિવસ એના છોકરાવ મંદીરમાં દોડાદોડ કરે, કિકીયારીઓ કરે ને પોતે પણ મંદિરના ગર્ભગૃહમાં જ ખાટલો રાખીને રહે, આમ, દેવમંદિરના શાંત વાતાવરણમાં જ એક આખો સંસાર ખડો થઇ ગયો. 

• શ્રીજીમહારાજ એકવખત અમદાવાદ પધારતા સૌ હરિભકતો એ પોતાના દૂખની વાત્ય કરી એટલે મહારાજે તુંરતજ ભૂદેવને બોલાવીને ચોખ્ખા શબ્દોમાં કહ્યુ કે "આજથી અમે નક્કી કર્યુ છે કે હવેથી કોઇ ગૃહસ્થ પુજારી દેવની પુજા નહી કરે, હવેથી અમે આ વાસુદેવાનંદ બ્રહ્મચારીને દેવની સેવા કરવા મુકીએ છીએ. તેઓજ દેવની તમામ સેવા કરશે." એમ કહીને એમને બોલાવીને દક્ષિણા આપી, સોનાની વીંટી ને વસ્ત્રને વાઘા આપીને છૂટ્ટા કર્યા. 

• સદગુરુ વાસુદેવાનંદજી બ્રહ્મચારીજીએ અમદાવાદ મંદિરમાં શ્રીનરનારાયણ દેવની અતિભાવથી સેવા કરતા થકા સત્સંગી ભૂષણ નામે શ્રીહરિના દિવ્ય લીલાચરિત્રોનો અદભૂત ગ્રંથ લખ્યો હતો. તેઓ સંવત ૧૯૨૦માં અમદાવાદમાં જ શ્રીહરિ ના અક્ષરધામમાં સીધાવ્યા હતા. 

• આમ, એજ દિવસથી શ્રીહરિએ પ્રવર્તાવેલ રીતી મુજબ બધાજ દેવના સ્વરુપોની તમામ સેવાઓ બ્રહમચારીજી કરતા આવ્યા છે. 

• 
  

• - અમદાવાદમાં શ્રીહરિમાંથી....🙏🏻