📜 Daily Prasang 📜

 📜 Daily Prasang 📜

• ભરૂચમાં શેઠ દયાળજીભાઇ અને નારાયણજીભાઇ નામે બેઉ ભાઇઓ પુર્વજન્મના મુમુક્ષુ હતા. તેઓ પોતાના ઘરે પવિત્ર બ્રાહ્મણ રાખીને પદ્મપુરાણની કથા વંચાવતા હતા. એમા કથામાં આવ્યુ જે 'જો ભગવાન અવતાર ધારણ કરીને આ પૃથ્વી ઉપર વિચરતા હોય તો એને ચરણમાં સોળ ચિહ્ન હોય.' આમ, વાત જાણીને તેઓ ભગવાનના દર્શન થાય એ સંકલ્પ કરતા હતા. 
• એકદિવસે ભરૂચમાં એમણે કોઇ હરિભકત પાસે સાંભળ્યું જે હાલ શ્રી સ્વામિનારાયણ ભગવાન પ્રગટ રુપે વિચરે છે અને તેઓ હાલ વડતાલમાં બિરાજે છે. આ વાત સાંભળતા તેઓ મનમાં વિચાર કર્યો જે આપણે એ પ્રગટ ભગવાનના દરશન કરવા જઇએ. 
• શેઠ દયાળજી અને બીજા ચાર વાણીયાઓ શ્રીહરિના દર્શન કરવા ને પોતાની વાત ને ચોકકસ કરવા સારું ચારેય વડતાલ આવ્યા. એ વખતે વડતાલમાં કોંઇ મોટો સમૈયાનો ઉત્સવ થઇ રહ્યો હતો એટલે હજારો હરિભકતો શ્રીહરિના દર્શન કરવા પધાર્યા હતા. એ ભીડને જાણીને આ ચારેય વાણીયાઓ થોડાક આઘેરા ઉભા હતા. 
• શ્રીહરિ અંતર્યામીપણે એ વાણીયાઓના સંકલ્પને જાણીને એમને ચારેયને નજીક બોલાવવા સાન કરી, ચારેય ને સભામાં હરિભકતોએ ચાલવા જગ્યા કરી દીધી. દયાળજીભાઇ વગેરે ચારેય નજીક આવ્યા અને પ્રણામ કરીને બેઠા એટલે શ્રીહરિ એ એમના મનોરથને પુર્ણ કરવા સારું ચારેયને ચરણાર્વિદમાં સોળ ચિહ્નો ના દર્શન કરાવ્યા. બંને ચરણોમાં સોળ ચિહ્નો જોઇને ચારેય વાણિયાઓને શ્રીહરિને વિશે ભગવાનપણાનો દ્રઢ નિશ્ચય થયો. દયાળજીભાઇએ શ્રીહરિને બે હાથ જોડીને કહ્યુ જે "હે મહારાજ, તમે સાક્ષાત પરમેશ્વર છો, કેમ જે અમે પદ્મપુરાણમાં એવી વાત સાંભળી હતી કે ભગવાન હોય એના ચરણમાં સોળ ચિહ્ન હોય, તે સોળ ચિહ્ન આજ અમે આપના ચરણમાં જોયા. જે સારું એ વાતનો અમને આજ પરિપુર્ણ નિશ્ચય થયો." આમ, એ દયાળજી શેઠની ચકોર તેજ બુદ્ધી જોઇને શ્રીહરિ બોલ્યા કે "તમને કાંય સંકલ્પ હોય તે અમોને પુછો..!" તે સુણીને દયાળજીભાઇ કહે કે હે મહારાજ અમને તો હવે કશુંય પુછવું નથી, અમને તમારા દરશન થયે આજ પરિપુર્ણપણું મનાયુ છે, અમોને તમારા ચરણે લયો, અમને બધાને વર્તમાન ધરાવીને તમારા આશ્રિત કરો..!" 
• શ્રીહરિ એ એમની મુમુક્ષુતા ને જોઇને એ ચારેય વાણીયાઓને વર્તમાન ધરાવીને સતસંગી કર્યા. દયાળજીભાઇ ને ચારેય વાણીયાઓ થોડા દિવસ વડતાલ રોકાઇને શ્રીહરિના દિવ્ય દરશનનો લાભ લઇને પોતાને ગામ ભરૂચ પરત ગયા. 

- શ્રી સ્વામિનારાયણ ભગવાનના દિવ્ય અને અલૌકિક ચરિત્રોમાંથી.