📜 Daily Prasang 📜

 📜 Daily Prasang 📜

એક દિવસે સુરા ખાચર દૂધ ને રોટલો જમતા હતા, તે જમતા જાય અને કોઈક છોકરા સાથે વાત કરતા જાય, પછી મહારાજે દાદાખાચરને પૂછ્યું જે 'સુરો ખાચર કોની સાથે વાત કરે છે ❓'

ત્યારે તે બોલ્યા, 'કોઈક છોકરા સાથે વાત કરે છે.'

પછી મહારાજે પૂછ્યું, 'સુરા ખાચર તે છોકરા સાથે શી વાત કરતા હતા❗' ત્યારે સુરા ખાચર બોલ્યા જે 'ભણે મહારાજ❗ બે દિવસે રોટલો મળ્યો છે, તેમાં ભાગ પડાવવા આવ્યો હતો.'

પછી મહારાજ કહે, 'ઘરમાં દાણા નથી કે શું❓'

ત્યારે કહે, 'ના મહારાજ.' પછી મહારાજે દાદાખાચરને પૂછ્યું જે 'તમારા દાણા છે ❓'

ત્યારે કહે, 'ગામ રણિયાળાનો અવેજ આવ્યો છે.'

પછી મહારાજ કહે, 'તમો પાંચ કળશી દાણા ઉછીના આપશો❓' દાદાખાચર કહે, 'ગાડાં મોકલાવશે તો આપીશું.'

પછી મહારાજ સુરા ખાચરને કહે, 'તમો ગાડાં મોકલો. દાદાખાચર દાણા ઉછીના આપશે.'

ત્યારે કહે, 'સારું મહારાજ.'

પછી ગાડાં મોકલીને દાણા મંગાવ્યા અને મહારાજ એક માસ નાગડકે રહ્યા. ત્યારથી સુરા ખાચરના દરબારમાં સમૃદ્ધિ વધી. તે દાણા નાખવાનો માગ મળતો નહીં.